Гібрыдны рыс трэцяга пакалення, культываваны даследчай камандай на чале з "бацькам гібрыднага рысу Кітая" Юань Лунпінам, даў высокі ўраджай.

　 Па выніках ацэнкі, ураджайнасць новага гатунку гібрыднага рысу, выгадаванага на двух эксперыментальных зямельных участках у вёсцы Цінчжу пад горадам Хэн'ян центральнакітайскай правінцыі Хунань, дасягнула 1046,3 кг на 1 му /каля 0,07 гектара/.

　 Першая ацэнка ўраджайнасці гібрыднага рысу трэцяга пакалення прайшла з панядзелка па аўторак. Яна была арганізавана Хунаньскім сельскагаспадарчым таварыствам пад эгідай экспертаў з акадэміі сельскагаспадарчай навукі Кітая, кітайскага Дзяржаўнага інстытута па даследаванні рысу, упраўлення сельскай гаспадаркі і сельскіх спраў правінцыі Хунань, а таксама цэлага шэрагу ВНУ.

　 Эксперты сышліся на меркаванні, што новы гатунак рысу мае шэраг пераваг, такіх як моцнае сцябло, устойлівасць да угнаенняў і палягання, больш доўгія каласы і, такім чынам, большая колькасць зерняў.

　 Юань Лунпін выпрацаваў першы ў свеце гатунак гібрыднага рысу ў 1974 годзе, пасля чаго ён шмат разоў усталёўваў сусветныя рэкорды па ўраджайнасці гібрыднага рысу.