Кітай падняўся ў рэйтынгу Doing Business-2020 / "Вядзенне бізнесу-2020" / на 15 пазіцый у параўнанні з мінулым годам, заняўшы 31-е месца сярод 190 эканомік свету. Пра гэта гаворыцца ў дакладзе Сусветнага банка/ СБ/, апублікаваным у сераду.

　　У дакладзе гаворыцца, што Кітай правёў рэформы ў большасці сфер, якія ўлічваюцца СБ пры складанні дакладу, і стаў лідзіруючай краінай ва Усходняй Азіі і Ціхаакіянскім рэгіёне, якая правяла найбольшую колькасць рэформаў у галіне кантролю і кіравання. Больш за тое, Кітай ужо другі год запар уваходзіць у дзесятку лепшых эканомік свету па паляпшэнні сферы вядзення бізнесу.

　　У дакладзе адзначаецца, што Кітай дасягнуў выдатных поспехаў у рэформах у васьмі сферах: рэгістрацыя прадпрыемстваў, атрыманне дазволаў на будаўніцтва, падключэнне да сістэмы электразабеспячэння, абарона мінарытарных інвестараў, падаткаабкладанне, міжнародны гандаль, забеспячэнне выканання кантрактаў і даступнасці працэдуры банкруцтва.

　　Згодна з дакладам Doing Business-2020, па стане на 1 мая 2019 года 115 эканомік свету правялі на працягу года 294 рэформы па стварэнні спрыяльных умоў для вядзення бізнесу.

　　Цяперашні даклад з'яўляецца 17-м штогадовым дакладам Doing Business, якія публікуюцца СБ з 2003 года.