На днях Кітайскі даследчы інстытут Hurun упершыню апублікаваў глабальны рэйтынг "кампаній-адзінарогаў"-2019. (Гэта-глабальны рэйтынг тэхнічных стартапаў, заснаваны ў 2000-я гады і пазней, бягучы кошт кожнага з якіх складае больш за 1 млрд долараў ЗША, але якія пакуль не прадстаўлены на публічных біржах. )

Паводле даных даследчага інстытута Hurun, у цяперашні час у свеце налічваецца 494 кампаніі-адзінарогаў, агульны ацэначны кошт якіх складае 11,8 трлн юаняў. Гэтыя кампаніі знаходзяцца ў 118 гарадах 24 краін свету. 80% з іх прыпадае на долю Кітая і ЗША. Кітай, з 206 такімі кампаніямі, апярэджвае ЗША з 203 "адзінарогамі".

Кітай не толькі займае першае месца па ліку "кампаній-адзінарогаў", ён выдатна рэкамендуе сябе і ў іншых сферах. Напрыклад, кампаніі, якія займаюць першыя тры месцы па ацэначным кошце ў глабальным маштабе-кітайскія: Ant Financial, Bytedance і Didi Chuxing. Іх ацэначны кошт: 1 трлн юаняў, 500 млрд юаняў і 360 млрд юаняў адпаведна. Акрамя таго, Пекін, дзе знаходзяцца штаб-кватэры 82 кампаній, што ўваходзяць у дадзены рэйтынг «адзінарогаў», апярэдзіў Сан-Францыска, і стаў «сталіцай кампаній-адзінарогаў».

Старшыня праўлення і галоўны навуковы супрацоўнік Hurun Report Руперт Хугеверф адзначыў, што новая эканоміка адкрывае магчымасці для глабальнага развіцця. Калі вы здольныя зрабіць моцнай якую-небудзь галіну ў Кітаі, то вы адразу станеце сусветным лідарам у гэтай галіне, напрыклад, у такіх новых развіваючых галінах, як электронная камерцыя, хмарныя вылічэнні, штучны інтэлект, блокчейн.