Палата прадстаўнікоў ЗША сёння прагаласавала за адабрэнне рэзалюцыі аб наданні афіцыйнага характару расследаванню пра імпічмент у дачыненні да прэзідэнта Дональда Трампа.

Рэзалюцыя, высунутая раней на гэтым тыдні Камітэтам па рэгламенце Палаты прадстаўнікоў, вызначае працэдуру правядзення публічных слуханняў аб імпічменце і парадак публікацыі паказанняў сведак, а таксама надзяляе Юрыдычны камітэт Палаты прадстаўнікоў правам вызначыць артыкул, па якім патэнцыйна можа быць вынесены імпічмент.

Кантралюемая дэмакратамі Палата прадстаўнікоў у поўным складзе прагаласавала па пытанні расследавання аб імпічменце ўпершыню з канца верасня, калі спікер Палаты прадстаўнікоў Нэнсі Пелосі вылучыла саму ідэю імпічменту Д. Трампу.

Сам Д. Трамп у сваім "Твітэры" сёння раніцай назваў расследаванне пра імпічмент "найбуйнейшым паляваннем на ведзьмаў у амерыканскай гісторыі " і заявіў, што яно наносіць шкоду нацыянальнаму фондаваму рынку.