Генеральны сакратар ЦК КПК Сі Цзіньпін заявіў, што народная дэмакратыя Кітая - гэта тып дэмакратыі ўсяго працэсу.

З такім выказваннем выступіў у суботу Сі Цзіньпін падчас інспекцыйнай паездкі ў Шанхай, дзе ён наведаў грамадзянскі цэнтр жылога мікрараёна ў той час, калі там праводзілася кансультацыйная сустрэча па праекце закона. Сі Цзіньпін пагутарыў як з кітайскімі жыхарамі, так і з замежнымі рэзідэнтамі, прысутнымі на сустрэчы, і падрабязна распытаў пра працу па зборы меркаванняў і прапаноў па праекце.

Сі Цзіньпін адзначыў, што Кітай ідзе па шляху сацыялістычнага палітычнага развіцця з кітайскай спецыфікай. Усе асноўныя заканадаўчыя рашэнні прымаюцца пасля праходжання працэдур і дэмакратычных абмеркаванняў для таго, каб прыняцце рашэнняў было навукова-абгрунтаваным i дэмакратычным.

Ён заклікаў да нарошчвання намаганняў па развіцці сацыялістычнай дэмакратыі з кітайскай спецыфікай.