Падрыхтоўчая работа да 2-й Кітайскай міжнароднай імпартнай ЭКСПА (CIIE) па размяшчэнні экспазіцый у выставачнай зоне з павільёнамі краін-удзельніц уступіла ў завяршальную стадыю, паведаміў аргкамітэт мерапрыемства. Намеснік кіраўніка Дэпартамента краін Еўропы Міністэрства камерцыі КНР Юй Юаньтан, які таксама ўзначальвае працу ў выставачнай зоне з павільёнамі краін-гасцей ЭКСПА, сказаў, што экспаненты прывезлі прадукцыю, якая дэманструе мясцовыя звычаі і дасягненні развіцця ў сферы тэхналагічных інавацый у сваіх краінах.

У 2-й ЭКСПА ўпершыню возьмуць удзел 24 краіны. Сёлета назіраецца павелічэнне колькасці краін-ганаровых гасцей ЭКСПА і выставачных плошчаў з больш разнастайнымі стылямі, сказаў намеснік кіраўніка канцылярыі аргкамітэта ЭКСПА Жэнь Хунбінь.

Апошнія даныя паказваюць, што ў агульнай складанасці 650 тыс. кітайскіх і замежных наведвальнікаў зрабілі папярэднюю анлайн-рэгістрацыю на мерапрыемства. - Р -