11 лістапада сумы здзелак на кітайскай гандлёвай платформе Tmall дасягнулі 268,4 млрд юаняў, на JD -- 204,4 млрд. Такая сітуацыя на спажывецкім рынку паказвае ўстойлівасць, патэнцыял і сілы кітайскай эканомікі ў супрацьстаянні рызыкам.
Усе 11 гадоў распродажаў на Дзень халасцякоў тэмпы росту спажывання ў Кітаі бесперапынна паскараюцца. Людзі аддаюць перавагу зручным, якасным і індывідуальна арыентаваным рэчам, прадуктам харчавання, моднай вопратцы, электроніцы. На структуру спажывання ў краіне ўплываюць сацыяльныя сеткі. Прамая трансляцыя ў інтэрнэце стала маторам для росту продажаў на буйных платформах электроннай камерцыі.
Спажыванне адыгрывае фундаментальную ролю ў эканамічным развіцці. Велізарная колькасць насельніцтва Кітая і яго імкненне да якаснага жыцця стварыла спажывецкі рынак сусветнага маштабу і стала буксірам якаснага развіцця кітайскай эканомікі. Спажыванне стала вядучай рухаючай сілай эканамічнага росту КНР на працягу пяці гадоў запар. Са студзеня па верасень бягучага года доля спажывання ў эканамічным росце Кітая дасягнула 60,5%.
Распродажы 11 лістапада паказалі, што ўнутраны кітайскі рынак -- гарантыя абароны кітайскай эканомікі ад знешніх фактараў. - Р -