У Мадрыдзе завяршылася канферэнцыя бакоў Рамачнай канвенцыі ААН аб змяненні клімату. З-за сур'ёзных рознагалоссяў паміж бакамі перамоваў на канферэнцыі не ўдалося дасягнуць кансенсусу па канкрэтных мерах ажыццяўлення 6-га артыкула Парыжскага пагаднення.

Канферэнцыя ў Мадрыдзе з'яўляецца важнай сустрэчай для ўсебаковага ажыццяўлення Парыжскага пагаднення, падчас якой удзельнікі павінны былі вырашыць праблемы, пакінутыя не вырашанымі ў інструкцыі да дакумента. На канферэнцыі абмяркоўваліся пытанні, звязаныя з падвядзеннем вынікаў да 2020 года, адаптацыяй, фінансаваннем па супрацьдзеянні змене клімату, умацаваннем патэнцыялу і мерамі падтрымуі. Кіраўнік кітайскай дэлегацыі, намеснік міністра экалагічнага асяроддзя Чжаа Інмінь заявіў, што, нягледзячы на тое, што падчас адпаведных перамоваў не ўдалося дасягнуць кансенсусу па ажыццяўленні 6-га артыкула Парыжскага пагаднення, Кітай працягне садзейнічаць больш хуткаму дасягненню зацікаўленымі бакамі адзінства меркаванняў. Кітай будзе рашуча праводзіць нацыянальную стратэгію па супрацьдзеянні кліматычным зменам, на сто адсоткаў выконваць свае абавязацельствы, сумесна з усімі бакамі змагацца са змяненнем клімату ў мэтах садзейнічання глабальнаму экакультурнаму будаўніцтву.

Канферэнцыя ААН па клімаце штогод праводзіцца ў розных краінах. У 2020 годзе яна адбудзецца ў брытанскім горадзе Глазга. - Р -