Кітай выказаў вялікае незадавальненне і рашучую нязгоду з нагоды негатыўных палажэнняў па пытаннях Тайваня, Сянгана і Сіньцзяна ў законе аб бюджэтных асігнаваннях на нацыянальную абарону ЗША на 2020 год. Пра гэта заявіў прадстаўнік МЗС КНР Гэн Шуан. Ён заклікаў ЗША адмовіцца ад менталітэту "халоднай вайны", спыніць умяшальніцтва ва ўнутраныя справы Кітая, а таксама неадкладна прыняць меры па ліквідацыі негатыўнага ўздзеяння закона, каб захаваць кітайска-амерыканскія адносіны.
У законе таксама зацверджана стварэнне касмічных сіл ЗША. Чыноўнік кітайскага МЗС указаў, што дзеянні Злучаных Штатаў сур'ёзна парушылі міжнародны кансенсус аб мірным выкарыстанні касмічнай прасторы і глабальны стратэгічны баланс і стабільнасць, што нясе прамую пагрозу міру і бяспецы касмічнай прасторы. Кітай выказаў глыбокую трывогу і рашучае пярэчанне па гэтым пытанні. - Р -