Колькасць загінуўшых пры крушэнні самалёта Fokker-100 у Казахстане павялічылася да 14 чалавек. Пра гэта сёння паведаміла прэс-служба мэрыі горада Алматы.

У Цэнтр дзіцячай неадкладнай медыцынскай дапамогі дастаўленыя 8 пацярпелых дзяцей. Таксама шпіталізаваны 27 дарослых, з іх 22 пацыента знаходзяцца ў вельмі цяжкім стане.

Сёння ў 07:22 самалёт авіякампаніі Bek Air, які ляцеў з Алматы ў Нур-Султан, пры ўзлёце страціў вышыню і прабіў бетонную агароджу. Паветранае судна сутыкнулася з двухпавярховым будынкам, але не загарэлася. Падзенне адбылося ў раёне пасёлка Альмерек Талгарскага раёна Алмацінскай вобласці. Паводле папярэдніх даных, на борце знаходзілася 93 пасажыры і 5 членаў экіпажа.