У Багдадзе ў пятніцу прайшла масавая дэманстрацыя з патрабаваннем вываду амерыканскіх войскаў з Ірака. Мясцовы шыіцкі лідар Муктада ас-Садр заклікаў выкарыстоўваць усе мірныя метады і настойліва патрабаваць вываду амерыканскіх вайскоўцаў.
Тысячы дэманстрантаў сабраліся ў цэнтры Багдаду па закліку М. ас-Садра, яны размахвалі плакатамі з антыамерыканскімі лозунгамі і патрабавалі вываду амерыканскіх войскаў з Ірака. Іракскія сілы бяспекі заблакіравалі галоўныя вуліцы горада і "зялёную зону", у якой знаходзяцца амбасады замежных краін.
М. ас-Садр заявіў, што калі ўдасца дабіцца таго, каб ВС ЗША пакінулі Ірак, то ён спыніць усе пратэсты.