Міністэрства аховы здароўя Францыі ў пятніцу паведаміла, што ў краіне зафіксаваныя тры выпадкі заражэння пнеўманіяй, выкліканай каронавірусам новага тыпу / 2019-nCoV /.
Першы выпадак заражэння - 48-гадовы пацыент, які нядаўна вярнуўся з Кітая, дзе праязджаў праз адміністрацыйны цэнтр кітайскай правінцыі Хубэй горад Ухань - ачаг гэтай эпідэміі, паведаміла міністр аховы здароўя Францыі Аньес Бузен.
Другі выпадак захворвання быў зафіксаваны ў Парыжы. "Мы ведаем, што гэты чалавек знаходзіўся ў Кітаі, але невядома, ці быў ён ва Ухане", - адзначыла міністр.
Трэці выпадак заражэння быў толькі што пацверджаны. Чалавек, што заразіўся, - блізкі сваяк аднаго са згаданых пацыентаў, які быў шпіталізаваны для назірання.
Усе тры чалавекі былі шпіталізаваны ў Бардо і змешчаныя ў ізаляцыю. Гэта першыя выпадкі выяўлення віруса на тэрыторыі Еўропы, адзначыла А. Бузен.