У кампаніі адзначылі, што рашэнне брытанскіх уладаў выклікае аптымізм, зараз кампанія можа працягваць працаваць са сваімі кліентамі з тым, каб забяспечыць своечасовае ўкараненне сістэмы 5G. "Рашэнне, заснаванае на фактах, дасць магчымасць стварыць больш сучасную, бяспечную і танную тэлекамунікацыйную інфраструктуру, якая будзе адказваць патрабаванням заўтрашняга дня", -- адзначыў віцэ-прэзідэнт Huawei Віктар Чжан.
Улады Вялікабрытаніі прынялі гэта рашэнне праз год пасля таго, як заявілі, што разгледзяць пытанне пра магчымасць для кампаніі Huawei выкарыстоўваць сваю інфраструктуру і абсталяванне для запуску нацыянальных мабільных сетак 5G.
Рашэнне аб выкарыстанні абсталявання кітайскага тэхналагічнага гіганта павінны таксама прыняць і іншыя краіны Еўропы. Еўрапейскія лідары ўжо заяўлялі, што стварэнне сетак 5G без выкарыстання абсталявання Huawei можа апынуцца даражэй і будзе ісці больш павольна. - Р -