Афіцыйны прадстаўнік МЗС КНР Хуа Чуньін пракаментавала падчас прэс-канферэнцыі недружалюбныя выказванні ЗША ва ўмовах барацьбы з эпідэміяй.

Хуа Чуньін адзначыла, што Кітай аддае ўсе сілы на барацьбу з эпідэміяй. Урад Кітая адкрыта, празрыста і адказна публікуе ўсе звесткі і дзеліцца ўсёй інфармацыяй з міжнароднай супольнасцю, уключаючы ЗША. "Сябар пазнаецца ў бядзе", -- адзначыла Хуа Чуньін, дадаўшы, што многія краіны дапамагаюць і падтрымліваюць Кітай у барацьбе з эпідэміяй. Выказванні і дзеянні ЗША, наадварот, не адпавядаюць рэчаіснасці і з'яўляюцца больш чым несвоечасовымі. Як толькі СААЗ заклікала ўсе краіны не ўводзіць абмежаванняў на паездкі ў Кітай, ЗША адразу ж праявілі сябе не з лепшага боку, што ўяўляецца вельмі непрыстойным учынкам.

"Мы перакананы, што пад кіраўніцтвам КПК дзякуючы перавагам сацыялістычнага ладу з кітайскай спецыфікай, пры падтрымцы сусветнай супольнасці вялікі кітайскі народ аб'яднае намаганні і атрымае перамогу над эпідэміяй, пераадолее ўсе перашкоды на шляху да перамогі, дасягне вялікага адраджэння кітайскай нацыі", -- падкрэсліла Хуа Чуньін. - Р -