Прэм'ер Дзяржсавета і кіраўнік кіруючай групы па прафілактыцы і барацьбе з эпідэміяй пнеўманіі Лі Кэцян 31 студзеня ў Пекіне правёў пасяджэнне кіруючай групы.

На пасяджэнні адзначана, што святочныя канікулы завяршаюцца, у сувязі з чым вельмі важна належным чынам правесці прафілактычную работу ў перыяд зваротнага пасажырапатоку. Дзяржаўныя ўстановы на ўсіх тэрыторыях павінны добрасумленна выконваць шэраг важных указанняў генеральнага сакратара ЦК КПК Сі Цзіньпіна аб рашучай перамозе ў барацьбе з эпідэміяй, а таксама ў адпаведнасці з распараджэннямі кіруючай групы ЦК КПК па прафілактыцы і барацьбе з эпідэміяй старанна спланаваць графік зваротных пасажырапатокаў і прыняць прафілактычныя меры.

На пасяджэнні падкрэслена, што забеспячэнне паставак з'яўляецца абавязковай умовай для прафілактыкі і барацьбы з эпідэміяй. Варта ўзмацніць цэнтралізаваную вытворчасць і пераразмеркаванне вытворчасці ахоўнага адзення і іншых медыцынскіх тавараў, іх размеркаванне, у прыярытэтным парадку забяспечваць патрэбы Уханя і іншых ключавых рэгіёнаў. Неабходна адкрыта, празрыста, своечасова і дакладна асвятляць эпідэміялагічную сітуацыю і прафілактычную работу, недапушчальна скажаць і прыхоўваць звесткі. - Р -