Генеральны сакратар ААН Антоніу Гутэрыш у аўторак высока ацаніў намаганні Кітая, прыкладзеныя ў барацьбе з эпідэміяй пнеўманіі, выкліканай каронавірусам новага тыпу, і заклікаў міжнародную супольнасць аб'яднацца і пазбегнуць дыскрымінацыі.

На прэс-канферэнцыі А. Гутэрыш адзначыў, што перад абліччам эпідэміі Кітай мабілізаваў велізарныя рэсурсы для барацьбы з вірусам, і ААН у поўным аб'ёме ўхваляе прыкладзеныя краінай намаганні.

Паводле яго слоў, ва ўмовах эпідэміі людзі схільныя тэндэнцыйна глядзець на праблему, ставіцца да іншых дыскрымінацыйна і парушаць правы іншых людзей, наважваючы цэтлікі на невінаватых на этнічнай глебе. Надзвычай важным з'яўляецца пазбегнуць падобных дыскрымінацыйных дзеянняў, падкрэсліў ён.

Кіраўнік сусветнай арганізацыі заклікаў міжнародную супольнасць аб'яднацца і аказаць рашучую падтрымку Кітаю і іншым краінам, якія могуць пацярпець ад эпідэміі, а таксама не дапусціць апаганення ні ў чым не вінаватых людзей і ахвяр эпідэміі.