Банк сельскагаспадарчага развіцця Кітая, адзіны кітайскі банк стратэгічнага прызначэння ў галіне сельскай гаспадаркі, выпусціў аблігацыі коштам 5 мільярдаў юаняў для барацьбы з эпідэміяй каранавіруса новага тыпу і скарачэння маштабаў беднасці .
Аблігацыі з тэрмінам пагашэння ў два гады і фіксіраванай працэнтнай стаўкай на ўзроўні 2,2951% выпушчаныя з дапамогай публічных таргоў у Шанхайскай клірынгавай палаце. Такі крок накіраваны на падтрымку вытворчасці прадметаў медыцынскага прызначэння і тавараў паўсядзённага попыту на фоне намаганняў краіны па прафілактыцы і кантролі за эпідэміяй.
Сродкі таксама пойдуць на развіццё індустрый, звязаных з кампаніяй па барацьбе з беднасцю, уключаючы вытворчасць збожжа, перапрацоўку нафты і сельскагаспадарчай прадукцыі, турызм, энергазберажэнне і абарону навакольнага асяроддзя.
Эпідэмічны кантроль і барацьба з беднасцю цесна звязаны з матэрыяльнымі ўмовамі жыцця людзей і эканамічнай стабільнасцю, заявілі ў банку.
Банк зацвердзіў надзвычайныя пазыкі на суму 10,07 млрд юаняў для барацьбы з каранавірусам, а таксама даў крэдыты на суму звыш 40 млрд юаняў на працу па скарачэнні маштабаў беднасці ў бягучым годзе.