Пекінскае ўпраўленне па кантролі над медыкаментамі заклікала аптэкі рэгістраваць сапраўдныя імёны пакупнікоў, якія набываюць гарачкапаніжальныя прэпараты і лекі для лячэння захворванняў органаў грудной клеткі.

Тыя, хто купляюць медыкаменты ад ліхаманкі і кашлю, зараз павінны ўказваць свае імёны, адрас пражывання і даныя ідэнтыфікацыйнай карты, кантактную інфармацыю, а таксама сімптомы людзей, для якіх прызначаны лекі.

Апроч таго, аптэкам настойліва рэкамендавана ўзмацніць дэзінфекцыю, адпраўляць штодзённыя справаздачы ва ўпраўленне і накіроўваць у бальніцу пакупнікоў з павышанай тэмпературай і кашлем. - Р -