Члены 36-й кітайскай антарктычнай экспедыцыі на борце кітайскага навукова-даследчага ледакола «Сюэлун-2» ( «Снежны дракон-2») завяршылі місію і паспяхова вярнуліся на базу адпраўлення - станцыю "Чжуншань".
Экспедыцыя пачалася 15 снежня мінулага года. На працягу 67 дзён навукоўцы выконвалі шэраг навукова-даследчых задач і інжынерна-будаўнічых праектаў на мацерыку.
Кіраўнік навуковай каманды Яа Сюй распавёў, што місія ўключае ў сябе такія навуковыя дысцыпліны, як метэаралогія, астраномія, касмічная фізіка, дыстанцыйнае зандаванне і гляцыялогія. Паводле яго слоў, членам экспедыцыйнай групы ўдалося ўсталяваць дзве аўтаматычныя метэастанцыі на антарктычным ледзяным покрыве ў 300 і 400 км ад базы.
Нагадаем, што кітайская антарктычная станцыя "Тайшань" была пабудавана ў 2014 годзе. У перыяд антарктычнага лета тут могуць працаваць 20 чалавек. Побач са станцыяй абсталявана ўзлётна-пасадачная паласа для самалётаў.