Улады Кітая падкрэслілі важнасць прыняцця дакладнай і дыферэнцыраванай стратэгіі па прафілактыцы і кантролі за эпідэміяй каронавіруса новага тыпу.
Меры павінны быць прыняты з улікам розных умоў па барацьбе з эпідэміяй у кожным асобным рэгіёне, сказана на пасяджэнні Кіруючай групы ЦК КПК па прафілактыцы і барацьбе з эпідэміяй каронавіруса новага тыпу, якое прайшло пад старшынствам члена ПК Палітбюро ЦК КПК, прэм'ера Дзяржсавета і кіраўніка названай групы Лі Кэцяна.
На пасяджэнні падкрэслена важнасць нястомных намаганняў у правядзенні розных мерапрыемстваў па прафілактыцы і кантролі за эпідэміяй і спарадкаваным аднаўленні рабочай дзейнасці і вытворчасці.
Намаганні павінны быць накіраваны на дасягненне мэтаў і задач гэтага года ў галіне сацыяльна-эканамічнага развіцця, адзначылі на мерапрыемстве.
Былі заслуханыя таксама даклады аб мерах прафілактыкі і кантролю за эпідэміяй ва Ухане, падрыхтаваныя групай цэнтральнага ўрада і правінцыяй Хубэй, разгледжаны патрэбы перадавой лініі барацьбы з эпідэміяй, а таксама прынятыя распараджэнні па ўзмацненню падтрымкі рэгіёну.
Падчас пасяджэння прагучаў заклік да павышэння патэнцыялу Уханя па аказанні дапамогі пацыентам, зніжэння ўзроўня захворвання, скарачэнні колькасці смяротных вынікаў, а таксама прадухіленні пагаршэння стану пацыентаў.
На пасяджэнні падкрэслена неабходнасць абароны медыцынскіх работнікаў, своечасовага інфармавання і забеспячэння эфектыўнай камунікацыі з насельніцтвам.
Пастаўкі медыцынскіх прыладаў у Хубэй, у прыватнасці ва Ухань, і тавараў паўсядзённага попыту для мясцовага насельніцтва будуць забяспечаны, пры гэтым павялічыцца фінансавая падтрымка са сродкаў цэнтральнага бюджэту, адзначана на пасяджэнні.
Розныя населеныя пункты павінны прыняць выразныя меры прафілактыкі і кантролю за эпідэміяй і суадносіць іх з сацыяльна-эканамічным развіццём.Планы па абароне ключавых груп насельніцтва, грамадскіх пляцовак і прадпрыемстваў павінны быць дапрацаваны і належным чынам выкананы, падкрэслена на пасяджэнні.
На пасяджэнні таксама прысутнічаў член ПК Палітбюро ЦК КПК, намеснік кіраўніка кіруючай групы Ван Хунін. --0--