Гендырэктар Сусветнай арганізацыі аховы здароўя Тедрас Аданом Гебрэйсус заявіў, што распаўсюджанне СOVID-19 можна стрымаць.
На штодзённым брыфінгу кіраўнік СААЗ паведаміў, што экспертная група завяршыла місію ў Кітаі і 25 лютага дэталёва азнаёміць грамадскасць са сваімі высновамі. Але асноўная думка складаецца ў тым, што вірус можна стрымаць, падкрэсліў ён.
Паводле слоў Гебрэйсуса, група наведала некалькі правінцый і горад Ухань, зрабіўшы шэраг высноў аб трансмісіўнасці віруса, цяжкасці захворвання і эфектыўнасці прынятых мер. "Пік эпідэміі ў Кітаі прапыў на перыяд з 23 студзеня па 2 лютага, з тых часоў адбываецца ўстойлівае зніжэнне", -- сказаў кіраўнік СААЗ. Ён дадаў, што ў ДНК віруса не выяўлена істотных змен.
Паводле высноў групы, смяротнасць складае ад 2-4% ва Ухане і 0,7% па-за межамі горада. Перыяд акрыяння пацыентаў з лёгкай формай – два тыдні, з цяжкай або крытычнай формай -- ад трох да шасці тыдняў.
"Надышоў час для ўсіх краін і супольнасцей засяродзіцца на стрымліванні віруса, зрабіўшы ўсё, каб падрыхтавацца да магчымай пандэміі", -- адзначыў кіраўнік СААЗ. - Р -