1 сакавіка, На ўсходзе Кітая правялі хірургічную аперацыю па перасадцы абодвух лёгкіх для пацыента, заражанага каронавірусам новага тыпу. Пра гэта паведамілі ў Народнай бальніцы горада Усі правінцыі Цзянсу.
Дзякуючы 5-гадзінным намаганням, намеснік дырэктара бальніцы Чэнь Цзін'юй з калегамі выканаў поўную замену ахопленых хваробай лёгкіх 59-гадовага пацыента здаровымі лёгкімі ад донара.
У бальніцы паведамілі, што мужчыну быў пастаўлены дыягназ пнеўманіі COVID-19 26 студзеня. У яго было некалькі адмоўных вынікаў тэсту на нуклеінавыя кіслоты пасля праходжання лячэбнага курсу з выкарыстаннем трахеатамічнай канюлі, экстракарпаральнай мембраннай аксігенацыі і медыкаментознай тэрапіі. Аднак пацыент пакутаваў ад незваротнай лёгачнай дысфункцыі.
Аперацыя апынулася рызыкоўнай. Усе хірургі павінны былі заставацца ў пакоі з адмоўным ціскам на працягу ўсёй аперацыі, што было складана вытрымаць як фізічна, так і псіхалагічна, прызнаўся Чэнь Цзін'юй.
Пацыент у цяперашні час знаходзіцца ў стабільным стане, трансплантаваныя лёгкія стабільна насычаюцца кіслародам, паведамілі ў лякарні. -0-