Кітайскі месяцаход "Юйту-2" пераадолеў адзнаку ў 400 метраў па паверхні іншага боку Месяца. Апарат праводзіць навуковыя даследаванні яго нязведанай тэрыторыі.
Пасадачны модуль і месяцаход кітайскага касмічнага зонда "Чан'э-4" завяршылі працу ў 15-ы месяцовы дзень і перайшлі ў спячы рэжым з прыходам месячнай ночы, паведамілі ў Цэнтры месяцовых даследаванняў і касмічнай праграмы.
"Чан'э-4" быў запушчаны 8 снежня 2018 года, ён здзейсніў першую ў свеце мяккую пасадку ў раёне кратэра Фон Карман на адваротным баку Месяца 3 студзеня мінулага года.
У навуковыя задачы ўваходзяць правядзенне нізкачастотных радыеастранамічных назіранняў, здымкі рэльефу, вызначэнне мінеральнага складу і структуры месяцовай паверхні, вымярэнне нейтроннага выпраменьвання і нейтральных атамаў. --0--