4 сакавіка канцылярыя па будаўніцтве асабліва значных праектаў у Пекіне паведаміла, што 1 сакавіка на першай у Кітаі трасе нацыянальнага санкава-бабслейнага цэнтра ўжо пачалася пракладка лядовага пакрыцця. Да цяперашняга часу на 96 працэнтах будучых спартыўных пляцовак адноўлена будаўніцтва спартыўных аб'ектаў для Пекінскай зімовай Алімпіяды. Згодна з вызначаным планам, будаўніцтва ўсіх алімпійскіх аб'ектаў у Пекіне і ў спартыўнай зоне ў раёне Яньцін будзе завершана да канца 2020 года.
У другой дэкадзе лютага намеснік кіраўніка дэпартамента па эканамічных пытаннях Галоўнага дзяржупраўлення КНР па справах фізкультуры і спорту Пэн Вэйюн заяўляў, што падрыхтоўка да зімовых Алімпійскіх гульняў ідзе па плане. Апроч першых тэставых спаборніцтваў, якія адмянілі, эпідэмія не адаб'ецца на правядзенні наступных тэставых спаборніцтваў. - Р -