Праз 20 з лішнім дзён пасля таго, як мультымедыйная платформа Медыякарпарацыі Кітая «Яншыпінь» сумесна з Кітайскай інвестыцыйнай карпарацыяй і Камітэтам па кантролі і кіраванні дзяржмаёмасцю Дзяржсавета КНР запусцілі анлайн-акцыю «Вясновы кірмаш вакансій», пляцоўка прадаставіла звыш 210 тысяч працоўных месцаў; для ўдзелу зарэгістраваліся 3200 кампаній.

Ва ўмовах аднаўлення дзелавой актыўнасці анлайн-акцыя па працаўладкаванні дапаможа вырашыць праблему дэфіцыту працоўных рук для прадпрыемстваў і знайсці працу для тых, хто ў ёй мае патрэбу. Мерапрыемства стартавала 2 сакавіка. Вядучыя прадпрыемствы цэнтральнага падпарадкавання, дзяржаўныя і прыватныя прадпрыемствы правялі 31 прэзентацыю сваіх рэсурсаў. Сярод такіх прадпрыемстваў -- найбуйнейшыя прадпрыемствы ваенна-прамысловага комплексу, лідары сярод авіяперавозчыкаў, аператары мабільнай сувязі, прыватныя прадпрыемствы, а таксама Нацыянальны музей і іншыя арганізацыі.

З моманту свайго запуску электронны кірмаш вакансій прадаставіў звыш 210 тысяч працоўных месцаў. Прадпрыемствы штодня праводзяць прэзентацыі ў інтэрнэце, каб стварыць сувязь паміж працадаўцамі і суіскальнікамі. Да цяперашняга часу электронны кірмаш вакансій набраў больш за 35 млн праглядаў, 18 млн наведванняў, свае рэзюмэ падалі звыш 750 тысяч суіскальнікаў.

Колькасць працадаўцаў, якія жадаюць прыняць удзел у праекце, пастаянна расце. Запампаваўшы дадатак «Яншыпінь», можна праглядаць прэзентацыйныя рэсурсы 3200 кампаній, а таксама падаць рэзюмэ, устанавіць прамую сувязь з аддзелам кадраў.