Упраўленне грамадзянскай авіяцыі Кітая / УГАК / у чацвер выпусціла цыркуляр аб далейшым скарачэнні колькасці міжнародных рэйсаў у рамках намаганняў па спыненні прытоку новых выпадкаў захворвання новай каронавіруснай пнеўманіяй COVID-19.
Усім айчынным авіякампаніям дазволена выконваць толькі адзін рэйс у кожную краіну на тыдзень, у той час як замежныя авіякампаніі павінны захоўваць толькі адзін паветраны маршрут у Кітай, і не павінна быць больш аднаго рэйса на тыдзень для кожнага авіяамаршрута ў Кітай, гаворыцца ў цыркуляры УГАК, які ўступіць у сілу з 29 сакавіка.
УГАК таксама запатрабавала ад усіх авіякампаній загадзя падаваць заяўкі на палётныя планы ў адпаведнасці з патрабаваннямі цыркуляра.
Акрамя таго, таксама будуць прынятыя больш строгія меры для стрымлівання распаўсюджвання каронавіруса новага тыпу на рэйсах, якія прыбываюць або пакідаюць краіну, і забеспячэння таго, каб каэфіцыент загрузкі пасажырскіх месцаў быў ніжэй за 75 працэнтаў, гаворыцца ў паведамленні УГАК, якое тлумачыць, што ў выпадку неабходнасці ведамства можа яшчэ больш скараціць колькасць міжнародных рэйсаў.
Паводле афіцыйных звестак, да канца серады колькасць завезеных з-за мяжы выпадкаў COVID-19 перавысіла 541 у Кітаі.