Спад сусветнага гандлю ў 2020 годзе, як чакаецца, складзе ад 13% да 32%, паколькі пандэмія COVID-19 падрывае эканамічную актыўнасць і жыццё на ўсёй планеце. Пра гэта гаворыцца ў дакладзе, апублікаваным сёння СГА.

"Вельмі высокая верагоднасць меркаванага спаду звязана з беспрэцэдэнтным характарам крызісу, выкліканага эпідэміяй, а таксама з нявызначанасцю адносна канкрэтных маштабаў яго эканамічных наступстваў", -- заявілі прадстаўнікі СГА ў штогадовым Дакладзе аб статыстыцы і перспектывах сусветнага гандлю.

Згодна з дакладам, ацэнкі чаканага аднаўлення сусветнага гандлю ў наступным годзе тамсама носяць нявызначаны характар. Бліжэйшая задача -- паставіць пандэмію пад кантроль і змякчыць эканамічны ўрон для людзей, кампаній і краін. Разам з тым палітыкі павінны ўжо зараз пачаць будаваць планы на перыяд пасля заканчэння пандэміі, адзначаецца ў дакладзе.

"Калі свет будзе працаваць разам, мы ўбачым значна больш хуткае аднаўленне, чым у выпадку, калі кожная краіна будзе дзейнічаць паасобку", -- адзначаецца ў дакладзе. - Р -