Цягнік рэгулярнага грузавога чыгуначнага паведамлення Кітай-Еўропа, які адправіўся з горада Ухань, прыбыў у пункт прызначэння горад Дуйсбург на захадзе Германіі.
Гэта першы з моманту ўспышкі каранавіруснай інфекцыі цягнік рэгулярных зносін Кітай-Еўропа, які быў адпраўлены з Уханя пасля 11 тыдняў блакады. Прыбыццё цягніка азнаменавала аднаўленне грузавога чыгуначнага паведамлення Уханя з еўрапейскімі гарадамі.
Цягнік адправіўся з Уханя ў Германію 28 сакавіка з грузам медыцынскіх вырабаў, аўтамабільных запчастак, электронікі і оптавалакновых кабеляў. Пасля прыбыцця ў пункт прызначэння тавары адправяцца далей да спажыўцоў у Германіі, Францыі, Венгрыі, Чэхіі і Польшчы.
Рэйсы таварных цягнікоў паміж Уханем і Еўропай будуць ажыццяўляцца двойчы на тыдзень у еўрапейскім напрамку і адзін раз на тыдзень -- у адваротным.
У мінулым годзе ва Ухане было выканана 408 рэйсаў цягнікоў Кітай-Еўропа. - Р -