У гісторыі Злучаных Штатаў, напэўна, не было такога дзяржсакратара, як Майк Пампея, які толькі распаўсюджвае хлусню і сее падман. А з пачатку эпідэміі COVID-19 дзеянні і выказванні Майка Пампея парушылі ўсе нормы чалавечай маралі.
На днях часопіс Foreign Affairs ( «Міжнародныя адносіны») апублікаваў артыкул былога памочніка дзяржсакратара ЗША па справах Усходняй Азіі і АЦР Курта Кэмпбела і вядучага супрацоўніка Цэнтра па вывучэнні Кітая Ельскага універсітэта Раша Дошы. Яны лічаць, што Майк Пампея нясе галоўную адказнасць за неэфектыўнае супрацьстаянне каронавіруснай інфекцыі ў краіне.
Па-першае, дзеянні Пампея, якія падтрымліваюць прыпыненне фінансавання СААЗ, контрпрадуктыўныя для глабальнага супрацьстаяння вірусу, асабліва ў найменш развітых краінах.
Нядаўна Майк Пампея абвінаваціў СААЗ у тым, што Арганізацыя не спраўляецца са сваёй місіяй абараняць свет ад глабальнай пандэміі, таму ўлады ЗША маюць намер перагледзець унёскі ў гэтую арганізацыю. Такая ганарыстасць выклікала велізарнае абурэнне ў міжнароднай супольнасці.
Па-другое, каб пакрыць некампетэнтнасць амерыканскай адміністрацыі ў плане проціэпідэмічнай працы Майк Пампея перакладаў віну за эпідэмію на Кітай, наўмысна правакуючы канфрантацыю, што стала чарговым падрывам міжнароднай проціэпідэмічнай дзейнасці.
Па-трэцяе, у той час, калі пандэмія ўжо нанесла шкоду ўсяму свету, Майк Пампея працягвае падбухторваць урад ЗША да працяглага «жорсткага ціску» на такія краіны, як Іран і Куба, што можа прывесці да ўзмацнення гуманітарнай катастрофы.
У нядаўнім каментары ў газеце «Вашынгтон пост» адзначаецца, што, калі Ірану вельмі патрэбная гуманітарная дапамога, такія палітыкі, як Пампея, адстойваюць працяг санкцыйных мераў у дачыненні да Тэгерана, нягледзячы на заклікі Вялікабрытаніі і іншых заходніх краін - палегчыць санкцыі на фоне пандэміі. Той факт, што амерыканскі бок разглядае пандэмію як зручны сродак для «жорсткага ціску», можа прывесці да гібелі яшчэ большай колькасці людзей.
Па-чацвёртае, будучы знаешнім назіральнікам, Пампея не прымаў і не прымае ніякіх эфектыўных супрацьэпідэмічных мер. Яго мэта - гэта толькі імкненне да асабістых палітычных інтарэсаў, яму няма справы да абароны жыцця і здароўя людзей.
«Вашынгтон пост» піша: «Пампея паступае, як чалавек-невідзімка, калі гаворка ідзе пра ўсё, што тычыцца супрацьстаяння каронавіруснай пнеўманіі, гэта адзін з горшых дзяржсакратароў у гісторыі ЗША».
Нават калі ў ЗША быў востры дэфіцыт супрацьэпідэмічных сродкаў, Пампея не прыкладаў ніякіх намаганняў па арганізацыі паставак і каардынацыі проціэпідэмічнай працы.