Афіцыйны прадстаўнік НВАК заявіў сёння, што ваенныя медыкі, накіраваныя ў правінцыю Хубэй, паспяхова завяршылі сваю місію па лячэнні пацыентаў з COVID-19, і што ні адзін з іх не заразіўся каранавірусам.
У трох шпіталях, узмоцненых ваеннымі медыкамі, налічвалася 2856 ложкаў, з 24 студзеня па 16 красавіка лячэнне ў іх прайшлі 7198 пацыентаў, паведаміў падчас прэс-канферэнцыі афіцыйны прадстаўнік Міністэрства абароны КНР У Цянь.
Вакцына, распрацаваная даследчыкамі Акадэміі ваенных навук, ухвалена для клінічных выпрабаванняў, таксама адзначыў У Цянь. Паводле яго слоў, кітайскія ваенныя медыкі назапасілі багаты вопыт прафілактыкі і кантролю эпідэміі, ствараючы моцны фундамент для міжнароднага супрацоўніцтва ў гэтай галіне. - Р -