Генетычны код каранавіруса новага тыпу ўказвае на яго прыроднае паходжанне. Пра гэта заявіла 4 мая кіраўнік падраздзялення надзвычайных захворванняў Сусветнай арганізацыі аховы здароўя Марыя Ван Керкховэ, каментуючы заявы амерыканскай адміністрацыі аб тым, што каранавірус новага тыпу -- самаробны і з'явіўся ў біялабараторыі ва Ухане. Паводле яе слоў, звыш 15 тыс. генетычных паслядоўнасцей сведчаць аб прыродным паходжанні гэтага віруса.
СААЗ займаецца пошукам прамежкавага звяна -- жывёльнага, праз якое каранавірус перадаўся ад кажаноў чалавеку. Як заявіў дырэктар праграмы СААЗ па надзвычайных сітуацыях у галіне аховы здароўя Майкл Раян, арганізацыя не атрымлівала ніякіх даных ад амерыканскага боку, якія тычацца магчымага паходжання каранавіруса. З пункту гледжання экспертаў СААЗ, амерыканскія заявы -- выдумкі, адзначыў ён.