Новы тып каранавіруса пачаў распаўсюджвацца па ўсім свеце яшчэ ў канцы мінулага года. Пра гэта паведамляе CNN, спасылаючыся на новы генетычны аналіз віруса. Даследаванне правяла каманда навукоўцаў пад кіраўніцтвам прафесара Франсуа Балу, спецыяліста па інфекцыйных захворваннях з універсітэцкага каледжа Лондана. Даследчыкі прааналізавалі даныя 7,6 тыс. пацыентаў па ўсім свеце і прыйшлі да высновы, што «вірус муціруе, але гэта не азначае, што ён пагаршаецца».

У дакладзе, апублікаваным у часопісе «Infection, Genetics and Evolution», гаворыцца, што «вынікі даследаванняў адпавядаюць ранняй ацэнцы, да канца 2019 г. ва ўсіх паслядоўнасцях гена быў агульны "продак", і гэта сведчыць аб тым, што ў той самы перыяд чалавек заразіўся каранавірусам новага тыпу».

Як удакладніў Франсу Балу, гэта адбылося зусім нядаўна, і зараз навукоўцы ўпэўненыя, што першае інфіцыраванне чалавека адбылося ў канцы мінулага года.

CNN запэўнівае: COVID-19 пачаў распаўсюджвацца на Захадзе яшчэ да афіцыйнага дакладу. - Р -