Урад Германіі і федэральныя землі ў аўторак дасягнулі дамоўленасці аб працягу абмежаванняў на сацыяльныя кантакты да 29 чэрвеня. Пра гэта гаворыцца ў заяве ўрада. Як адзначаецца ў дакуменце, улады зямель могуць захаваць існуючыя абмежаванні або дазволіць жыхарам збірацца ў грамадскіх месцах максімум удзесяцёх або двума сем'ямі. У той жа час урад краіны рэкамендуе насельніцтву ўсяляк скарачаць кантакты.

Нагадаем, што раней федэральныя і рэгіянальныя ўлады працягнулі адпаведныя абмежаванні да 5 чэрвеня. Афіцыйны прадстаўнік урада Штэфан Зайберт у панядзелак заявіў, што канцлер Ангела Меркель мае намер падоўжыць патрабаванне аб захаванні 1,5-метровай сацыяльнай дыстанцыі ў грамадскіх месцах і іншыя меры.

Паводле апошніх даных Інстытута вірусалогіі імя Роберта Коха, да паўночы аўторка агульная колькасць пацверджаных выпадкаў COVID-19 у краіне ўзрасла на 432 выдадкі і склала 179002 хворых. Усяго ў Германіі памерлі 8302 пацыенты, што на 45 чалавек больш у параўнанні з папярэднім днём.