Аб падаўжэнні абмежаванняў на сацыяльныя кантакты да 29 чэрвеня дамовіліся ўрад Германіі і федэральныя землі. Улады рэгіёнаў могуць захаваць існуючыя абмежаванні або дазволіць жыхарам збірацца ў грамадскіх месцах максімум удзесяцёх або двума сем'ямі.

Прадстаўнік урада Штэфэн Зайберт у панядзелак заявіў, што канцлер Ангела Меркель мае намер падоўжыць патрабаванне аб захаванні 1,5-метровай сацыяльнай дыстанцыі ў грамадскіх месцах і іншыя меры.

Да поўначы аўторка агульная колькасць выпадкаў COVID-19 у краіне ўзрасла на 432 і склала 179 002. Усяго ў Германіі памерлі 8302 пацыента, што на 45 больш у параўнанні з папярэднім днём.