6 чэрвеня ў Пекіне прыняты заканадаўчыя меры для забеспячэння бяспекі і грамадскага парадку ў мясцовых шпіталях, паведамілі ў пятніцу гарадскія ўлады.
Гэта пастанова, якая ўступіць у сілу 1 ліпеня 2020 года, прынята на 22-м пасяджэнні Пастаяннага камітэта Сходу народных прадстаўнікоў горада Пекін 15-га склікання. Згодна з дакументам, такія дзеянні, як абраза і запалохванне медработнікаў, а таксама прычыненне цялесных пашкоджанняў рознай ступені цяжкасці і незаконнае пазбаўленне волі будуць строга забаронены. Парушальнікі будуць несці грамадзянскую або крымінальную адказнасць у адпаведнасці з законам.
Пастанова таксама патрабуе, каб ля ўваходу ў бальніцы або ў іх ключавых раёнах былі арганізаваны пункты праверкі бяспекі і «зялёныя калідоры» для пацыентаў, якія маюць патрэбу ў тэрміновай медыцынскай дапамозе.
Пастанова дапаможа прадухіліць і скараціць незаконныя дзеянні, звязаныя з нападам на медыкаў, заявіла начальнік канцылярыі па справах заканадаўства ПК Сходу народных прадстаўнікоў Пекіна Ван Жунмэй. - Р -