Раней на гэтым тыдні 34 дзяржаўных прадпрыемствы цэнтральнага падпарадкавання Кітая падпісалі ў агульнай складанасці 72 інвестыцыйных пагаднення з раней пацярпелай ад каронавіруса правінцыяй Хубэй (Цэнтральны Кітай). Пра гэта заявілі ў Камітэце па кантролі і кіраванні дзяржаўнай маёмасцю пры Дзяржсавеце КНР.
Гэты крок накіраваны на аднаўленне эканомікі правінцыі Хубэй, рэгіёна, які найбольш пацярпеў падчас эпідэміі COVID-19.
Пагадненні з агульным аб'ёмам інвестыцый у памеры 327 млрд 730 млн юаняў (каля 46,16 млрд долараў ЗША) ахопліваюць розныя галіны, уключаючы новыя крыніцы энергіі, ахову навакольнага асяроддзя, інтэлектуальную вытворчасць і інфармацыйныя тэхналогіі.
Камітэт па кантролі і кіраванні дзяржаўнай маёмасцю пры Дзяржсавеце КНР забяспечыць вялікую палітычную падтрымку для развіцця супрацоўніцтва паміж дзяржпрадпрыемствамі цэнтральнага падпарадкавання і правінцыяй Хубэй, заявіў кіраўнік камітэта Хаа Пэн.
З 2016 года дзяржпрадпрыемствы цэнтральнага падпарадкавання падпісалі 623 пагадненні аб супрацоўніцтве з правінцыяй Хубэй з агульным аб'ёмам інвестыцый больш за 1 трлн юаняў.