Палац-музей Гугун, таксама вядомы як Забаронены горад, прадставіць коміксы, а таксама культурную і крэатыўную прадукцыю на тэму котак.

Як паведаміў кіраўнік выдавецтва палаца-музея Ван Ямінь, у серыю кніг, якая рыхтуецца да выпуску, увойдуць дзве гісторыі, звязаныя з "палацавымі катамі".

У Забароненым горадзе, былым імператарскім палацы, ёсць масіўныя драўляныя пабудовы, якія добра захаваліся. Абарона архітэктурных і культурных рэліквій ад пацукоў ужо доўгі час застаецца важнай тэмай, заявіў Ван Ямінь.

За мінулыя 600 гадоў развядзенне котак стала традыцыяй у Гугуне. Вось ужо на працягу многіх гадоў пасля таго, як музей закрывае свае дзверы для наведвальнікаў, вартавыя коткі блукаюць па пустых завулках былога імператарскага палаца кожную ноч у пошуках сваіх заклятых ворагаў - мышэй і пацукоў.

У цяперашні час рэалізуецца краўдфандзінгавы анлайн-праект, звязаны з коміксамі і культурнай прадукцыяй на тэму котак. Як чакаецца, публіка ўбачыць гэтыя творы ў канцы снежня бягучага года.