У эпоху Рэнесансу вырабы фіялетавай каляровай гамы былі даступныя толькі членам каралеўскай сям'і і вышэйшым святарам, бо фарбавальнік, які атрымлівалі з малюскаў Міжземнага мора, каштаваў вельмі дорага. Фіялетавы колер да гэтага часу асацыіруецца з багаццем, уладай і магутнасцю. Фіялетавы атрымліваюць шляхам змешвання чырвонага і сіняга, ён мае вялікую колькасць адценняў ад ружовага да ліловага. Памяншэнне долі сіняга цягне за сабой зрух у ружовы бок, а памяншэнне чырвонага зрушвае колер у бок пунсовага. Халодныя адценні ружовага і ліловага нядрэнна выглядаюць на фоне шэрага неба. Такая каляровая палітра выдатна падыходзіць для сырога клімату, дзе часта пануюць туманы.
У раёне Міюнь у паўночным прыгарадзе Пекіна працуе натуральная выстава "紫海香堤" ("Пунсовы рай"), дзе у гэтыя святочныя дні квітнее вялікая колькасць раслін ад ружовага да фіялетавага адценняў. Даволі вялікая адлегласць ад сталіцы стварае камфортныя ўмовы для наведвання выставы: тут няма вялікага натоўпу людзей, і вы можаце з задавальненнем і практычна ў адзіноце пагуляць па тутэйшых фіялетавых "вуліцах" і адпачыць душою на пунсовых "плошчах".
(Фота – Р.Мышкоўскі, МРК)