Тры новыя кітайскія спадарожнікі ў аўторак былі запушчаны ў космас пры дапамозе ракеты-носьбіта "Чанчжэн-6".
Запуск спадарожнікаў "Шыянь-16A", "Шыянь-16B" і "Шыянь-17" ажыццёўлены ў 07:50 па пекінскім часе з касмадрома “Тайюань” у правінцыі Шаньсі на поўначы Кітая. Касмічныя апараты паспяхова выведзены на зададзеную арбіту.
Гэтая група спадарожнікаў будзе выкарыстоўвацца для правядзення геалагічных даследаванняў, гарадскога планавання, а таксама для папярэджання стыхійных бедстваў і ліквідацыі іх наступстваў.
Для ракет-носьбітаў серыі "Чанчжэн" гэты палёт стаў 440-м па ліку.