Па стане на канец лютага 2024 года ў Кітаі было ўстаноўлена ў агульнай складанасці больш за 3,5 млн базавых станцый 5G, паведамілі ў Міністэрстве прамысловасці і інфарматызацыі /МПІ/ КНР.

Паводле даных МПІ, з ростам колькасці базавых станцый 5G таксама няўхільна павялічваецца аб'ём выкарыстання гэтай тэхналогій у прамысловасці, а інтэграцыя лічбавых тэхналогій і рэальнага сектара эканомікі паскараецца.

Лічбавыя тэхналогіі эфектыўна прымяняюцца ў розных галінах – ад інтэлектуальных шахт да «разумных» заводаў і лагістыкі. Тэхналогіі 5G інтэграваныя ў 71 асноўную эканамічную катэгорыю Кітая.

Галоўны інжынер МПІ Чжаа Чжыго заявіў, што Міністэрства працягне прасоўваць лічбавую трансфармацыю прамысловасці і рэалізоўваць план дзеянняў «штучны інтэлект плюс», каб спрыяць індустрыялізацыі новага тыпу з дапамогай лічбавых тэхналогій. Паводле яго слоў, таксама будуць здзейснены намаганні для дасягнення новых вынікаў у развіцці дадаткаў 5G.