У Беларусі ўступае ў сілу закон аб прафілактыцы правапарушэнняў. Сямейных тыранаў абавяжуць пакінуць кватэру і забароняць размаўляць з блізкімі. Пра гэта ў аўторак паведамілі ў МУС Беларусі.

Пад асаблівым кантролем - хатні гвалт. У першую чаргу змяненні закрануць папярэджанні гвалту ў сям'і. Напрыклад, пры звароце ахвяры такіх абставін у міліцыю, хатняга тырана могуць афіцыйна абавязаць пакінуць агульную жылплошчу. Таксама органы правапарадку забароняць зносіны, наведванне або спробы высвятлення месца знаходжання патэнцыйнай ахвяры .

МУС Беларусі пачынае штогадовую акцыю "Дом без гвалту". Ва ўсіх рэгіёнах краіны пройдуць прафілактычныя гутаркі , а камісіі наведаюць праблемныя сем'і. За апошнія паўгода за факты бытавога гвалту адміністрацыйна былі пакараныя больш 5,5 тыс. чалавек. - 0 -