Беларусь прапаноўвае Ірану аднавіць высокі ўзровень гандлёва -эканамічнага ўзаемадзеяння. Пра гэта ў сераду заявіў прэзідэнт Беларусі Аляксандр Лукашэнка на сустрэчы са старшынёй Сходу ісламскага савета Ірана Алі Ларыджані .
Беларусь і Іран звязваюць не толькі цесныя гандлёвыя кантакты , але і сяброўскія адносіны . Візіт іранскага госця А. Лукашэнка назваў знакавым і своечасовым. У апошні час эканамічнае супрацоўніцтва паміж партнёрамі пайшло на спад. Калі ў 2012 годзе тавараабарот дзвюх краін перавышаў 100 млн. долараў, то ў мінулым скараціўся амаль удвая. Асноўная прычына падзення экспарту - жорсткія санкцыі ЗША і Еўрасаюза ў дачыненні да Тэгерана . На думку прэзідэнта Беларусі , гэта не павінна перашкаджаць аднаўленню і развіццю гандлёвых кантактаў .
Асаблівую ўвагу партнёры маюць намер надаць інвестыцыйнаму супрацоўніцтву. Агульны кошт інвестыцыйных праектаў , што рэалізуюцца іранскімі кампаніямі ў Беларусі , перавышае 700 млн. долараў. Бакі пацвердзілі гатоўнасць актывізаваць кантакты па ўсіх напрамках . - 0 -