Японіі варта прытрымлівацца адказнага падыходу да гісторыі і будучага, улічваць неабходнасць захавання кітайска-японскай дружбы, падтрымання стабільнасці і развіцця ў Азіі, з усёй асцярожнасцю падыходзіць да гістарычных пытанняў, здабываць урокі з гісторыі і рухацца па шляху мірнага развіцця. З такім заклікам выступіў 3 верасня старшыня КНР Сі Цзіньпін.

"Мы гатовы прыкласці максімальныя намаганні разам з народамі ўсіх краін свету, каб рашуча абараніць перамогу ў Вайне супраціўлення кітайскага народа японскім захопнікам і ў сусветнай антыфашысцкай вайне і захаваць міжнародны парадак, які склаўся пасля вайны", – адзначыў кіраўнік кітайскага дзяржавы і падкрэсліў, што Кітай катэгарычна не дапусціць спроб аспрэчваць і скажаць агрэсіўную гісторыю, рэабілітацыю мілітарызму і паўтарэнне гістарычнай трагедыі.

Паводле яго слоў, кітайскі ўрад і народ маюць намер прыкладаць нястомныя намаганні для развіцця кітайска-японскіх адносін і прасоўваць доўгатэрміновае, стабільнае і здаровае развіццё кітайска-японскіх адносін на аснове чатырох кітайска-японскіх палітычных дакументаў.

"Гісторыю нельга паўтарыць, але будучыню можна стварыць", – сказаў Сі Цзіньпін. Стоячы на новым старце гісторыі, мы адзначаем вялікую перамогу ў Вайне супраціўлення кітайскага народа японскім захопнікам з мэтай мабілізаваць намаганні кітайскага народа для дасягнення вялікага адраджэння кітайскай нацыі, адзначыў ён.

Сімпозіум пад кіраўніцтвам члена Сакратарыята ЦК КПК Лю Юньшаня адбыўся 3 верасня ў другой палове дня ў Доме народных сходаў у Пекіне. Яго арганізатарамі выступілі ЦК КПК, Дзяржсавет КНР і Цэнтральны ваенны савет. На ім прысутнічаў прэм'ер Дзяржсавета КНР Лі Кэцян. - Р -