Горад Кайфэн быў сталіцай дынастыі Паўночная Сун (960 - 1127 гг.). Тады горад зваўся Кайфэнфу. Слова "Фу" па-кітайску азначае "урад". Горад Кайфэн стаў вядомым у гісторыі не толькі таму, што ён быў сталіцай дзяржавы, у якім правіла дынастыя Паўночная Сун, але яшчэ і таму, што кіраўніком горада быў знакаміты Баоцінцянь.
"Баоцінцянь" - несапраўднае імя гэтага чыноўніка. Сапраўднае імя - Бао Чжэн. Кітайскі народ празваў яго так, таму што ён быў адным з самых сумленных і справядлівых чыноўнікаў. Бао - гэта яго прозвішча, "Цінцянь" у перакладзе азначае "яркае неба", у сэнсе "справядлівы суддзя". У старажытным Кітаі народ называў сумленных і справядлівых чыноўнікаў "Цінцянь". Справа ў тым, што ў старажытныя часы начальнік аднаго кітайскага горада адначасова быў і суддзём у гэтым горадзе. Ён павінен быў судзіць грамадзянскія справы.
Бао Чжэн, па-іншаму Баоцінцянь, у 28 гадоў здаў сталічныя іспыты, атрымаў званне навуковай ступені "цзіньшы" і стаў чыноўнікам у імператарскім палацы. У 1057 годзе яго прызначылі главой сталіцы краіны Кайфэнфу, у 1058 годзе ён склаў гэтыя паўнамоцтвы. На працягу года і шасці месяцаў ён быў кіраўніком горада Кайфэнфу. Бао Чжэн быў прамым і цвёрдым чалавекам, справядліва ставіўся да людзей, строга выконваў законы.
У гонар Бао Чжэна ў 1987 годзе мэрыя горада Кайфэн пабудавала храм Баогунцы. Затым на месцы, дзе размяшчаліся будынкі старажытнай мэрыі Кайфэнфу і на аснове гістарычных архіваў, усё аднавілі, як было раней. Памеры рэстаўрацыі - каля 4 гектараў. На гэтай тэрыторыі ізноў пабудавана больш 50 альтанак і павільёнаў. Яны сапраўды такія, як і 1000 гадоў назад. Выглядаюць вельмі прыгожа і ўрачыста.
Калі ўвайсці ў адроджаную старадаўнюю "мэрыю" Кайфэнфу, адразу бачны вароты. Іх назва Імэнь. У адпаведнасці са старажытнакітайскай этыкай, за першымі варотамі рэзідэнцыі ўрадавых органаў павінны стаяць яшчэ адны вароты. Увайсці ў іх можна толькі, калі здараюцца важныя падзеі. У будні, калі людзі ішлі ў рэзідэнцыю ўлады, яны павінны былі іх абыходзіць. На ўсходзе ад варот Імэнь знаходзіцца г.зв. барабан скарг. Па словах прафесара Хэнаньскаго ўніверсітэта Лю Луньтая, барабан скарг усталяваны для тых, хто жадаў пажаліцца на свае крыўды.
"Да таго, як Бао Чжэн уступіў на пасаду главы горада Кайфэнфу, ніхто са скаржнікаў не адважыўся прыйсці на прыём да главы горада. Іскавае прашэнне трэба было перадаваць ахоўніку, які затым перадаваў яго кіраўніку горада. Гэтая працэдура была зручная для чыноўнікаў, якія выкарыстоўвалі яе для сваёй выгады. Так, напрыклад, каб іскавае прашэнне паспяхова дайшло да кіраўніка горада, людзі часта былі змушаныя даваць хабары тым асобам, хто павінен быў перадаць дакумент. Каб ліквідаваць карупцыю Бао Чжэн выдаў указ аб змене працэдуры падачы скарг. Рэзідэнцыя главы горада стала адчыненая для простага народа. Той, хто жадаў пажаліцца, мог біць у барабан і прама ўваходзіць у залу, дзе сядзеў начальнік".
На паўдневым усходзе ад барабана скарг недалёка знаходзіцца альтанка, якая стаіць на чатырох буйных чырвоных слупах. Побач з альтанкай знаходзіцца помнік. На ім выразаны спіс кіраўнікоў горада Кайфэнфу. На працягу 147 гадоў кіравання дынастыі Паўночная Сун, на чале Кайфэнфу знаходзілася 183 кіраўніка горада. Бао Чжэн быў дзявятым з іх. Аднак на помніку яго імя не знайсці. Прафесар Лю Куньтай так растлумачыў гэтую з'яву:
"Бао Чжэн стаў легендай, якая жыве ў сэрцах людзей. На працягу многіх гадоў помнік наведвалі тысячы і тысячы чалавек. Кожны, хто прыходзіў да яго, жадаў дакрануцца да выразанага на помніку імя свайго куміра. У выніку імя спадара Бао больш ужо не прачытаць. Яно зацёрта. Там, дзе было напісана імя "Баоцінцяня", ёсць паглыбленне прыкладна ў адзін сантыметр. Гэта добрае сведчанне таго, як добра народ памятае Бао Чжэна".
За варотамі Імэнь знаходзіцца квадратны двор сыхэюань. У будынках у гэтым палацы працавалі чыноўнікі галоўнага службовага месца сталіцы старажытнага Кітая. У двары стаіць вялікі камень, на якім чырвонай фарбай напісаныя тры іерогліфа "Гун Шэн Мін", у перакладзе гэта азначае "у справядлівасці нараджаецца мудрасць". Камень завецца "папярэджанне чыноўнікам". Прафесар Лю кажа:
"Пасля таго, як кіраўнікі дынастыі Сун сталі на чале дзяржавы, яны задумаліся над тым, як захаваць уладу назаўжды. Кіраўнікі запатрабавалі, каб у кожнай рэзідэнцыі мясцовых улад быў пастаўлены такі камень з надпісам: "у справядлівасці нараджаецца мудрасць". Яшчэ больш, на іншым баку каменя павінна было быць напісана: "твая зарплата залежыць ад народа, народ, можа быць, і можна пакрыўдзіць, але Бог гэтага ніколі не дапусціць". Такім чынам, кіраўнікі сунскай дынастыі жадалі, каб чыноўнікі ў імператарскім палацы былі пільнымі, непадкупнымі і сумленнымі".
Бао Чжэн, безумоўна, добра выканаў патрабаванні, якія былі напісаныя на камені. Як нам распавёў прафесар Хэнаньского ўніверсітэта Лю Луньтай, гістарычныя запісы сведчаць аб тым, што, як чыноўнік, Бао Чжэн рабіў шмат добрага для народа.
"Самая карысная справа, якую зрабіў для людзей Бао Чжэн, гэта палепшыў сітуацыю на рацэ Хуэйміньхэ. Хуэйміньхэ ўжо ў тыя гады выкарыстоўвалася як важная транспартная магістраль, была славутасцю сталіцы. На рацэ было шмат будынкаў, у якіх забаўляліся члены імператарскай хаты і чыноўнікі. Гэтыя пабудовы на рацэ фактычна з'яўляліся своеасаблівымі дамбамі. У сезон паводак вада затапляла хаты бедных на берагах ракі. Бао Чжэн высвятліў, што прычынай шматлікіх бедстваў былі гэтыя пабудовы. Ён аддаў загад іх ліквідаваць. Такім чынам, насельніцтва больш не пакутавала ад паводак".
Вось яшчэ адна гісторыя, звязаная з Бао Чжэном. Прафесар Лю распавёў нам аб тым, як Бао Чжэн абвінаваціў цесця імператара.
"Калі Бао Чжэн служыў рэвізорам, цесцем імператара Жэнь Цзуна быў нейкі Чжан Яоцзо. Паводле законаў дынастыі Сун, цесць імператара не мог быць чыноўнікам. Да таго ж Чжан Яоцзо не быў таленавітым чалавекам. Аднак імператар Жэнь Цзун збіраўся паддацца імператрыцы, якая была дачкой Чжан Яоцзо. Яна вельмі доўга і ўпарта ўгаворвала імператара прызначыць яе бацьку на чыноўніцкую пасаду. Бао Чжэн катэгарычна выступаў супраць гэтага прызначэння. Яны нават моцна пасварыліся з імператарам. Імператар ужо жадаў устаць і сысці. Але Бао Чжэн не дазволіў яму зрабіць гэта. Ён учапіўся за адзежу імператара. Апошні ў выніку быў змушаны пагадзіцца з ім".
Бао Чжэн гэтак жа быў узорам сумленнасці і непадкупнасці.
"Калі Бао Чжэн узначаліў горад Дуаньчжоў (цяпер горад Чжаоцін правінцыі Гуандун), яго хутка палюбілі мясцовыя жыхары. Таму, калі яго вызвалілі ад пасады главы горада, яму падарылі тушачніцу на памяць. Ён катэгарычна адмовіўся ад гэтага падарунку. Тады тушачніцу таемна далі яго падпарадкаваным. Па дарозе дадому Бао Чжэн дазнаўся аб гэтым і загадаў выкінуць яе ў раку".
Ад галоўнай залы на поўначы знаходзіцца павільён Мэйхуатан. У ім ёсць група постацяў з воску, якія паказваюць, як Бао Чжэн прымаў скаргі ад людзей.
"У неслужбовы час, Бао Чжэн звычайна хадзіў у простай адзежы. Ён прымаў усіх людзей, незалежна ад рангу і ў любы час, гутарыў з ім. Можна нават было ўвайсці ў яго рэзідэнцыю з чорнага ўваходу".
У павільёне Цінсіньлоў ў музеі "Кайфэнфу" стаіць самая вялікая ў свеце бронзавая статуя Бао Чжэна. Яна вышынёй 3.8 метра, вагай 5.6 тон. Бао Чжэн намаляваны з доўгай барадой у афіцыйнай адзежы. Ён трымае ў руках паперы. Можа быць, турысты, гледзячы на гэтую статую, здагадаюцца, што турбуе вядомага старажытнакітайскага чыноўніка.
