Аптэка "Тунжэньтан" была адчыненая ў 1699 годзе - на восьмым годзе кіравання імператара Кансі дынастыі Цін. Яна славіцца багатым выбарам якасных сродкаў кітайскай традыцыйнай медыцыны - травы, пілюль, парашкоў, мазяў і г.д. На працягу стагоддзяў аптэка "Тунжэньтан" карыстаецца вядомасцю і павагай.

Заснавальнік аптэкі - спадар Лэ з Нінбо, правінцыя Чжэцзян. Спачатку ён зарабляў грошы лячэннем пацыентаў прама на вуліцах і продажам лекаў уласнага вырабу. Пазней ён стаў прыдворным лекарам, а яго сын стаў гаспадаром аптэкі на вуліцы Дашылань.

Сёння сетка апатэк "Тунжэньтан" мае ўласную фабрыку па вырабу медыкаментаў. Багаты асартымент, дбайная апрацоўка і высокая эфектыўнасць сродкаў кітайскай медыцыны прынеслі аптэцы вялікую вядомасць і павагу. Лекі "Тунжэньтана" прадаюцца па ўсім Кітаі і ў краінах Паўднёва-Ўсходняй Азіі.