Да 12 мая ў рамках Сусветнай універсальнай выставы "ЭКСПА-2010" у Шанхаі комплексны павільён Кітая «Карона Усходу», які складаецца з нацыянальнага павільёна Кітая, выставачных павільёнаў адміністратыўных адзінак правінцыйнага ўзроўню, а таксама павільёнаў Сянгана, Аамэня і Тайваня, прыняў у агульнай складанасці 977 тыс. 426 чалавек. Пра гэта стала вядома на прэс-канферэнцыі, прысвечанай азнаямленню грамадскасці з работай павільёна Кітая ў ЭКСПА-парку.

У прыватнасці, згодна з паведамленнем, колькасць наведвальнікаў нацыянальнага павільёна Кітая склала 460 тыс. 815 чалавек.

У першыя дні пасля таго, як ЭКСПА-парк з 1 мая адкрыўся для наведвальнікаў, магчымасць паглядзець кітайскі павільён «Карона Усходу» мелі толькі турысты з білетамі з фіксаванай датай.

Кітайскі павільён аформлены ў чырвоных тонах. Знешне гэта - зліццё старажытнага кітайскага дойлідства і сучаснай архітэктурнай канцэпцыі. Павільён нясе свету пазітыўную інфармацыю пра тое, што Кітай настойліва змагаецца за росквіт і магутнасць, павышэнне ўзроўню народнага дабрабыту, а таксама ўсямерна садзейнічае сацыяльнай гармоніі. Будаўнічая плошча кітайскага павільёна «Карона Усходу» вышынёй 69 метраў складае 160 тыс. кв. м. -0-