За 20 дзён пасля таго, як 1 мая Сусветная ўніверсальная выстава ЭКСПА-2010 у Шанхаі расчыніла дзверы для наведвальнікаў, яна прыняла ў агульнай колькасці больш за 4 млн. турыстаў. У прыватнасці, рэкордны дзённы паказчык з дня адкрыцця ЭКСПА-парку перавысіў адзнаку ў 300 тыс. чалавек.
Як паведамляецца, павільёны Кітая, Саудаўскай Аравіі, Францыі, Германіі і аб'яднаны павільён краін Афрыкі – самыя папулярныя. Каб патрапіць у іх, трэба прастаяць у доўгай чарзе. 19 мая павільёны Францыі і краін Афрыкі прынялі кожны паасобку мільённага наведвальніка.
ЭКСПА-2010 адкрылася ў Шанхаі 1 мая і завершыць работу 31 кастрычніка. -0-