Фестываль студэнтаў знакамітых ва ўсім свеце ВНУ пройдзе ў ліпені ў рамках Сусветнай універсальнай выставы ЭКСПА-2010 у Шанхаі. Пра гэта паведаміў на прэс-канферэнцыі намеснік начальніка Каардынацыйнага бюро ЭКСПА Ху Цзіньцзюнь.

Паводле яго слоў, у мерапрыемстве возьмуць удзел каля 2000 студэнтаў з вядомых ва ўсім свеце ВНУ, у тым ліку, Гарвардскага, Оксфардскага і Ельскага ўніверсітэтаў. З 4 па 18 ліпеня на фестывалі будзе прадстаўлена іх мастацкая творчасць – харавыя спевы, джаз, сімфанічная музыка, перкусія і танцы.

Акрамя таго, у рамках фестывалю таксама адбудзецца канцэрт камернага аркестра Ітанскага каледжа і знакамітага кампазітара Чэнь Гана. -0-