Сусветная ўніверсальная выстава ЭКСПА-2010, якая праходзіць зараз у Шанхаі, прыняла прыкладна 3,5 млн. замежных турыстаў. Сур'ёзных інцыдэнтаў, якія тычацца бяспекі турызму, не адбылося. Пра гэта заявіў 26 кастрычніка кіраўнік Дзяржаўнага ўпраўлення па справах турызму КНР Шаа Цівэй.

Выступаючы на нарадзе, прысвечанай садзейнічанню турыстычным паездкам на ЭКСПА-2010, Шаа Цівэй адзначыў, што работа па іх арганізацыі прайшла ў адпаведнасці з падрыхтаваным планам і на высокім узроўні.

"Гэта – незвычайны поспех на фоне небывала вялікага патоку турыстаў", – канстатаваў чыноўнік.

Зараз агульная колькасць людзей, якія пабывалі на выставе, перавысіла 70 млн. чалавек. - 0 -