Пасёлак Губэйкоў знаходзіцца на поўначы павета Міюнь г. Пекіна, паміж сталіцай Кітая і правінцыяй Хэбэй. Адлегласць ад Пекіна да яго складае каля 100 кіламтераў. Транспарт вельмі зручны. Плошча пасёлка 84,7 квадратных кіламетраў. Агульная колькасць насельніцтва – 10,472 тысяч чалавек. У яго цэнтральным раёне жывуць каля 2000 чалавек. Пасёлак Губэйкоў – гэта апошняе захаванае гістарычнае і культурнае старое мястэчка, якое атачае сапраўдная Вялікая сцяна. Вось менавіта туды мы і накіраваліся разам з многімі кітайскімі і замежнымі калегамі нашага радыё.
Губэйкоў – адзін з важных праходаў Вялікай сцяны. Ён вядомы ўнутры краіны і за межамі сваім зручным геаграфічным становішчам і важным стратэгічным ваенным месцам. Здаўна за Губэйкоў змагаліся ў бітвах. Таму гэты пасёлак насычаны мноствам цікавых гістарычных расповедаў і напоўнены культурнай атмасферай.